قصيدة مرفوعة إلى مقام رئيس الوزراء صاحب السمو الملكي  الأمير خليفة بن سلمان آل خليفة

 

خاصت حروف القصيده من بعد تاسع شهر

    وحيها هز الجذع ويساقط بحبها شعور

صايما عن كل قصايد او مدايح او فخر

    حالفا ما افطر الا لين اشوفك يالجسور

وصبحها انجب قرايح والفرايد والشعر

جزلةً جت بمهادها جادت بأروع قصور

ما سوى اسمك ينومسها على طيب الذكر

من شموخك حتى ديوان الشعر كله فخور

قومي يا حروف القصايد والمعاني و الزهر

وعتقي عود الجمايل وافرشيها بالزهور

والبسي احلا الجواهر من زمرد او حجر

وافرحي بصبحك مدام انه امامك في حضور

هو خليفه ابن سلمان الي باسمه نفتخر

لا طوى بشته يفكك كل صعبات الامور

حتى قصرك ما ترك مسكين في حيره و امر

مجلسك فيه المراجل تحشم الي لك يجور

يوم جانا طامعا ناوي بنيه من غدر

احتزمت بشعبك وشعبك تحزم بك فخور

العلاقه بينك وبين الشعب كنها بحر

كل ما يجزر بحرها موجها غرق بحور

كل بيت.. وكل شارع ..كل كبري.. كل شبر

كل صبح وكل ظهر وكل لحظه بالعصور

كل كف وكل دمعه تدعي لك طول العمر

وكل رمشه وكل نبضه وكل احساس وشعور

كل أم وكل أبن وكل والد فالفجر

قلبهم يدعي يحفظك جعلك افراح وسرور

يا ذرى البحرين يا حس الامن وقت الخطر

يا وفى الوافيين يا درع الوطن وقت النفور

لليتيم احن من نفح المباخر والعطر

وللعدو سيفا مسلط ضربته تقطع نحور

يا خليفه لك وسط قلب الشعب هيبه وقدر

واسمكم ضاوي وغيرك ينعمي من كل نور

يا كثر حسادك الي ماتوا غيره من قهر

زيدهم غيره بنهضه خلدتكم للدهور

بالنيابه عن جميع الشعب اعلنها جهر

انته درعا للوطن حامي عن الديره غيور

بعض الشيوخ اليا عطا ايحس بالمده خسر

الا خليفة مدته فاقت عن اموال وقصور

 

ابنكم الشاعر مشعل المالكي