قصيدة مرفوعة إلى مقام رئيس الوزراء صاحب السمو الملكي الأمير خليفة بن سلمان آل خليفة

لاهنت فعلك وافيٍ يابن سلمان

واجب نجازيك الوفاء يا خليفه

يابو علي مَجدك له اسنان واعنان

ولك سمعةٍ بين البرايا نظيفه

في دولة البحرين وعموم الأوطان

النعم قسمك في بياض الصحيفه

لقيت منك إكرام وأجزيك عِرفان

وقولة هلا تسوى القصور المنيفه

وتسوى بعيني منك غالية الأثمان

ترحيبةٍ مثل الحياء في خريفه

ترجع بقاعٍ ممحلٍ عدة أزمان

وتبهج نفوسٍ من زمنها معيفه

أنت الكريم اللي لك الجود عنوان

وأنت الشجاع اللي دروبك كليفه

تتعب على دربك من الطيب عربان

ولك فزعةٍ وقت السنين المخيفه

يأمن بها من كان يحتاج مزبان

على الشهامة والدروب العفيفه

نسل ال الخليفه يوم روغات الأذهان

يوم إن كلٍ فزعته حَد سيفه

الشاعر الكويتي

عيد بن شريم الروقي العتيبي