يالله يارحمن يا عالي الشان

انك تحَفظْ الدار وتعز من فيها

هي دارنا البحرين والدار مهما كان

نبيع العمر والروح  كله ونفديها

البارحة يا امير ما أمسيت سهران

مضى الليل كله وانا ارتب معانيها

اسوق النوادر والجزايل مع القيفان

للي تراب الوطن بالعز بانيها

خليفه كما غيثٍ تنزل من الرحمن

رئيس وزرائنا بفكره يداريهـا

بو علي الشهم للأمن عنوان

درع الوطن من كل منهو يعاديها

مواقفك بينه على مر الازمان

وامور واجد والله انّا ما نحصيها

هل الخير والطيب تجزى بالإحسان

وهل الشر والعدوان تعْرف خوافيها

واختامها يالله يا عالي الشان

انك تحفظ الدار وتعز من فيها

  محمد بن راشد بن محمد بن فطيس الهاجري