قصيدة مهداة إلى رئيس الوزراء صاحب السمو الملكي الأمير خليفة بن سلمان آل خليفة

 

أبدا بذكر الله الواحد وفيه استخير

الخالق الظاهر الحي العزيز الغفور

في ليلة وضعها عند النشاما خطير

ومدام فيها ثلاث اختار خير الأمور

أما هو حب ولا نزعه أمن الضميـر

ولا وفى شعب دمه من غلاتك يفور!

تحيـةٍ طيبة لك يا سمو الأمير

من قلب لا من طفح فيض المشاعر يثور

وسلامٍ أحلى من أفنان البنان الوفير

أو منهلٍ عذب تشفى مـن عذوبه صدور

في وصفك أشوف كن الكون حجمه صغيـر

أو كن الأيام تسبق بعضها والشهور

لك صوت نبع المشاعر مثل صوت الغدير

لو كان صوتي بوسط الناس ما هو جهور

يا بوعلي قد بنيت المجد صرحٍ كبير

وتربعت فوق هامات الصعايب قصور

اشغلت نفسك تظلل بالنهار الهجير

ووقّفت خيـر لأرامل ما وراهـا ظهور

وخليت ممشاك عِبرة في نفوس الكثير

ووثّقت في دفتر التاريخ صفحات نور

كم من حرم جاك يشكيك ويخاف المصير

لي شاف من حوله أورقت الأمل والزهـور

في ضحكتك تلبس البحرين ثوبٍ حرير

واستنشقت من هواك العذب نفح العطور

مسيرة الأب للإصلاح شدّت مسير

عيسى .. عساه بـ جنان الخُلد يوم النشور

في عيد ميلادك يغنّي صغير وكبير

جعل سنينك تطول وعمر ضدّك يبور

علمتنا التضحيه مهما النتايج تصير

وعلمتنا كيف نقتل بالتواضع غـرور

شُم الجبال استماحت عذر لـو هي تغير

منك ولكنْ لها بعد حضورك حضور!

ما هي غريبه تُعين للجمايل سفير

ولا فيه بين الخلايق قوم يشهدْك زور

مكارمك ما عصت مدة يدين الفقير

ومحبتك دار ما دار الحنايا تدور

ساسك من المجد ساسٍ بالعروبة غزير

ولا زالت أمن المـودة تستمد الجذور

صداك ما ينتقـل للناس عبر الأثير

صداك قدر ومقام وحس نبض وشعور

افخر وكلي فخر لا خذت نهجك مَسير

ولا انتظر للعلا والمجد كرت العبـور

تفرش لك الشمس من فوق السحايب حصير

وإن جيت صوب المحرق صار دربك سفور

العصـر ما يوفي بحقّك مداه الصغير

مسيرتك ينحكى فيها بكل العصور!

غرد لك الشعر من فوق البساط المثير

أبيات من صفوة إعيال القصيد البكور

يا بوعلي والشعر حسبة أخوي الكبير

وأكبر فخر لا كسب طيبك من أول ظهور

ولا غلاك بعيوني يا سمو الأمير

خليفة أكبر من اللي ينكتب بالسطور

 

سالم بن أحمد البديد المناعي