في دار سقم المعادي محتمي كل جار

رمز الشجاعه أخو نجلا ملاذ الكسير

شيخن ليا كبرت القاله وقف وستدار

وشتال سيفن بيوم الحرب فعله خطير

هذا خليفه نعرفه بإتخاذ القرار

له وقفتن حزة الازم تسر النطير

كلمته تحسبلها أعظم طوال العمار

وخطابه اسما من الشلفه وحد الشطير

سلام من دار خو مريم عزيز الوقار

دارٍ تشوف ابملامحها تباشير خير

أم الجمايل ذرى المظيوم أرض النهار

لظيوفها تملي الكفين مسك وعبير

دايم تشوف الرضا والصلح أفضل خيار

وبحضنها كل كائن حي يمسي غرير

لعيونها ما نساومها نبيع العمار

وبعيدها نفرش الدنيا زهور وحرير

من أولويتها رمز السلامه شعار

هذي وصيت أبو ناصر سمو الأمير

صباح مجد العروبه بالامور الكبار

مال الكبار انشد التاريخ غير الكبير

نايف براك النون - ملحق دبلوماسي بسفارة دولة الكويت