تفاعل رواد موقع التواصل الاجتماعي انستغرام علي حساب اسأل البحرين مع فتاة مخطوبة بعد استفسارها عن فساتين وهدايا بأسعار رمزية.

وقالت الفتاه في رسالتها "انا مخطوبة وقررت اسوي عرس بس ما اقدر الميزانية مانعتني وشي طبيعي كل وحدة خاطرها تسوي هالشي وتفرح مرة في العمر، اكيد كل وحدة عارفة شعوري."

واضافت "المهم تنازلت عن العرس عشان الميزانية وخبركم الحين كل شي غالي خصوصاً من ناحية الاعراس فقررت اسوي شي جدا بسيط على قدي في بيتنا ياليت تساعدوني وين احصل أشياء رخيصة مثلاً فستان اقل من ال١٠٠ وكوشة وميكب وغيره من هالسوالف وشكراً مقدماً ادري مابتقصرون وللعلم ميزانيتي ٣٠٠."

وتفاعل متابعين حساب اسأل البحرين مع الفتاة، فقال احد المتابعين وهو حساب لبيع المسابح "راعي الاعلان تواصل معانا ولكم مسباح هديه من المحل حق المعرس، وتستاهلون كل خير"، وقالت أخرى "كلميني بعطيش فستاني".

وقالت اخصائية مكياج "كلميني مكياجج علي بدون مقابل والله يوفقج"، وقال محل مجوهرات "كلمينا على الخاص ولا عليج امر".

وانهالت كمية من التعليقات الودودة والمحبة، التي تبعث بالفخر لمجتمع طيب ومحب ومتعاون وقلبه ابيض.

https://www.instagram.com/tv/Cah0R9kAKis/?utm_medium=copy_link