قصيدة بمناسبة زيارة محافظ الجنوبية سمو الشيخ خليفة بن علي آل خليفة لمجلس قبيلة الكعبان في قرية عسكر.

يا مرحبا يا طيب الجد والراس

ترحيبة اللي قالها بالجزالي

بحضور منهو زادنا فخر للناس

تفوح له بالعز صفر الدلالي

اللي فعوله دايم الدوم نوماس

خليفة اللي من يشيل الثقالي

تستاهل التعيين من صدق واحساس

أهل الثقة لأهل الثقة في المجالي

يعني على ما قيل والعرق دساس

يا وارثٍ زين الصفات الخصالي

نسل الكرام وسيرة المجد نبراس

خليفة بن سلمان رمز المعالي

حبه بقلبي ما له حدود وقياس

يرقى على روس القمم والجبالي

خليفة النادر على كل الأجناس

اللي يدينه للشعب كالظلالي

أفعاله الجزلات قامت على ساس

ما توصله كثر السنين الطوالي

أهل التواضع والكرم فيه غراس

والطيب يبرق من جنوب وشمالي

هذي هي البحرين ما تشكي الياس

دام الله أعطاها جنود ورجالي

حنا أهل الكعبان لا دقت أجراس

نوقف مع شيوخ الوطن والغوالي

جتك القوافي واعتبرها من ألماس

مقداركم يا شيخنا فالعلالي

الله يحفظك عد ما هب نسناس

أدعيك يارب العلا والجلالي

أحمد بن جمعة بن أحمد الكعبي