قال النجم أمير كرارة، أنا لما بتفرج على نفسى في "الاختيار" بستغرب أوى، وأنا المسلسل ده عملى حالة غريبة شوية بسبب المجهود الذهني والنفسي والبدني كان كبير أوى، حتى أن الناس مكنتش بتقولى مبروك كانوا بيقولولى ربنا يجعله في ميزان حسناتك.

وأضاف خلال لقائه بصحبة المخرج بيتر ميمى في برنامج "صاحبة السعادة" تقديم الإعلامية إسعاد يونس أنا كنت بحس أن أحمد فؤاد سليم أبويا بجد، ولما كنت بقعد أشتغل معاه في مشاهد المسلسل مش بحس أنه تمثيل وبحس إنى بتعامل مع والدى وأننا فينا شبه من بعض.

وتابع، مشهد الاستشهاد كان صعب عليا أوى، وقعدت بعدها بفترة مبكلمش حد ومش عاوز أقعد مع حد، وكنت محتاج أقعد في بيتي وسط أهلي شوية عشان أتأكد إني أمير كرارة مش أحمد المنسي.

من جانبه قال المخرج بيتر ميمى، الحلقة 28 كانت الناس كلها مستنياها، وخلت الناس كلها عيطت، وأنا حتى لما كنت بجمع المشاهد في المونتاج خلتنى عيطت، مشيرا إلى أن بناء كمين موقعة البرث أستغرق شهرا ونصف وتصوير الحلقة لوحدها تم في 9 أيام