صانع السلام
قصيدة تهنئة مهداة إلى مقام سيّدي رئيس مجلس الوزراء الموقر صاحب السمو الملكي الأمير خليفة بن سلمان آل خليفة حفظه الله ورعاه.
في أثير الود وأنفاس العبير
وطرّة أنوار الصباح الباسمي
والمطر والطير والروض النضير
وجذوة احساس الخيال الهائمي
وبُردة الأعشى وحسان وجرير
وهيلمان الشنفرى والخازمي
والشهد والهيل والسيف الشطير
وفوعة أنسام السحاب الغائمي
جيت لك يا طلعة البدر المُنير
أنهم بصوت الأديب الناهمي
في تهاني عطّرت وجه البشير
وأبدت اللي ها هُنا متراكمي
للزعيم القائد، الفذ القدير
شُعلة المجد العظيم الحاكمي
تاجنا اللي جابه الصعب الخطير
لين ما فج الزمان القاتمي
وصيّر اللي صار واللي ما يصير
رغم أنف الواهم المتشائمي
بوعلي يا قبلة الخير الوفير
أقبل اللي سحرها متناغمي
العروس اللي على زل وحرير
أجرت الود القديم النائمي
يا سمو اللي لنا حقق مصير
وخيّب اطماع العدو الغاشمي
دام ظلّك سيّدي أطلق أمير
تصنع أهداف السلام الحاسمي
من بعد وقتٍ عبوسٍ قمطرير
جاوز أحداث الصراع الفاطمي
جابك الله سيّدي ما لك نظير
من ملائكة الوئام الآدمي
تردم الأوجاع وتحث المسير
لـ انفراجات الزمان القادمي
قالها اللي يا خليفة لك سفير
من هنا يا لين دار الهاشمي
سيّدي يا بوعلي قبل الأخير
بسم عاهلنا الأشم الحاتمي
جيت أرتّلها على الجمع الغفير
في سمو الفيلسوف الغانمي
بوعلي يا فارس أمجاد وضمير
وجائزة ضيف السلام الدائمي
أقبل اللي جات لك مثل الغدير
من خيالٍ عبقريٍ ناعمي
رؤيتك يا صاحب القلب الكبير
أوجدت يوم الضمير العالمي
شاعركم: سلمان بن حمد بن علي آل خليفة