قصيدة مرفوعة لصاحب السمو الملكي الأمير خليفة بن سلمان آل خليفة رئيس الوزراء الموقر
قصيدة مرفوعة لسيدي صاحب السمو الملكي الأمير خليفة بن سلمان آل خليفة رئيس الوزراء الموقر حفظه الله ورعاه
تلعب بنات الفكر قدام عيني
واشوفها تتمايل ايمين واشمال
ناديتها بين الحنايا تجيني
جتني تلبي مابها نقص واخـلال
قمت أتخيّر جزلة تهتويني
شاعر وقدر من له الشعر ينقال
رصيتها جزله بفكر حصيني
توفي معانيها على العز باجلال
نقيتها بين القصايد فحيني
نقوة بصر واعرف حسينات لجـزال
رغم أن حظي شين دومه حزيني
ما مرة عدّل طريقه ولا مال
والضيقه اللي دايما تعتريني
كلما تهون تبتديبي من الجال
واليوم جيتك والفرح ممتليني
ينساب من كثره كما السيل لِي سال
ساعة مااشوفك فرحتي تحتويني
واسعد إلى شفت الفرح فيك يختال
جيتك أبارك فرحتك ياعويني
مبروك من قلب يودك ومازال
جيتك خليفه والقصيد الحديني
جيتك وانا مرتاح ومريح البال
شرواك يستاهل بصدق ويقيني
كل الجوايز تنثني لك بلا اجدال
كلنا فرحنا والشعب أجمعيني
يوم الجوايز حظها منكم نال
انجازك إللي حبّه المعجبيني
وللحين ماشافو من انجاز وافعال
كثيرة ما تنحصي فالسنيني
متميّز ابطبعك على كل لحوال
في كل مجال وكل راي رزيني
راعي حكم وامثال والراي فتال
نعم بإنجازك تعب كل ظغيني
كل الصعايب صارت اليوم فـ/سهال
بيت القصيدة عالق يعتريني
ودي اقول إن الجوائز لها ارجال
والمعنى إللي بوصلة كلمتيني
انها سعت لك وانت داله لها البال
جاتك تثني تحتمي في العريني
عند الرجال إللي بها زين لخصال
اتعبت من مثلك رجال اوبنيني
تبغي مواصيلك ولا تقدر اطال
مورد مثايل والجزايل تزيني
راعي معاني والكرم عندكم صال
وختامها يابوعلي ياعويني
تقبل سلامي والتحيات لجــزال
وموجز قصيدي يشهد الحاضريني
تشهد علي ارجال ذربين لفعال
خذها وثيقه لو تبي نن عيني
الهدي لك الثنتين ياطيّب الفال
بدر بن سعود الدوسري