عزها انت شراعه
قصيدة مرفوعة إلى مقام رئيس الوزراء صاحب السمو الملكي الأمير خليفة بن سلمان آل خليفة
يا هلا بشيخ المواقف يا هلا بشيخ الجزايل
يا هلا بشيخ البسالة والعدالة والسناعه
يا هلا بطيب اتانا ينثر ازهور الوصايل
كوكبٍ مشرق باعلمه اسمه يضوي بالطلاعه
بو علي قمة عظيمة بو علي نسل الأوايل
بو علي صقرٍ اصيل هيبته تضوي طباعه
هامته فوق المعالي أصلها من نسل وايل
شامله معنى الأصاله والمحبه والشجاعه
الفرح اليوم بين في بلادي كالهمايل
افرحوا كل القبايل والحبايب والرباعه
هذي لطيور تتغنى وهذي النخيل اتمايل
وهذي بحرين الحضاره عزها أنت شراعه
يا خليفة المجد نجمٍ ما يطوله اي طايل
كيف وانت النجم اصلا والبدر وانت شعاعه
المحبة لك كبيرة يا كبيرٍ بالفعايل
حكمتك خلت بلادي دانةٍ تضوي الوساعه
حكمتك علت بلادي واسمها فوق الهطايل
مفخره انت وجدارة ترسم المجد ابراعه
هذي جسور ومباني وهذي روضات ونخايل
وهذي بصمه بكل منهل للعلم ويا قطاعه
تدعم العلم في بلدنا والمشاريع الثقايل
والمصانع والملاعب مبدأ منك وقناعه
وهذي حنكه في السياسه وحكمةٍ بحلا مثايل
انظر البحرين تروي مجدكم في كل ساعه
في المعزه يا خليفة ما يسد عنك بدايل
لك محبة كبر هذا الكون طوله واتساعه
انت شيخٍ والنعم فيك ابمزاياك الأصايل
لك تحية من خفوق الشعب لك سمع وطاعه
ربي يحفظ لي سموك يا عظيم بالطوايل
عز للبحرين تبقى وفخرها وصقر الرفاعه
هيام العجلان