+A
A-

أمير الخير - قصيدة -

بمناسبة الزيارة الرمضانية المعتادة لدولة الكويت لتقديم التهنئة للقيادة الكويتية الرشيدة وشعب الكويت الوفي بالشهر الكريم.

 

مثل السحاب الصيّب الهتّاني

هلّي على الأوراق يا قيفاني

 

في سنّةٍ بين الأمم محمودة

سنّة رفيع الشان ابن سلماني

 

أعني الخليفي (بوعلي) ما غيره

أميرنا اللي حيّر الأذهاني

 

في منجزاتٍ من بنات افكاره

سارت عليها باقي العرباني

 

في غرة الشهر الفضيل الخيّر

شهر اغتنام الخير والغفراني

 

جرياً على عادة أمير الهيبة

زار الكويت وشيخها الإنساني

 

في خامس ايام الصيام الراهن

بأمر الإله الواحد المنّاني

 

هذا خليفة سيّدي من طيبه

في كفه المغسول بالإيماني

 

بسم الأخوة والنسب والجيرة

ما هو عشان افلان والّا افلاني

 

صافح (صباح الخير) واهل الديرة

في كل مجدٍ بالفخر ملياني

 

لين استوى (قصر الصخير العامر)

يختال في سيرة (قصر دسماني)

 

هذي ملامح من أراد الأمّة

تحرص على التاريخ والأوطاني

 

يشوفها اللي من زيارة عمّه

صوّر ملامح فارس الميداني

 

في ثروة البحرين والبحريني

أعني الأشم المُلهم الربّاني

 

اللي ينادي للتضامن دايـم

واللي يعزز لمّة الاخواني

 

حيث الخليج اليعربي الواحد   

حلمٍ لبوناصر وابو سلماني

 

هذا خليفة الفيلسوف النادر

اللي لشعبه شرّع البيباني

 

في سنّةٍ بين الكويت ودلمون   

أرّخ معالمها على الأزماني

 

أميرنا اللي بالفعل متميّز

في طاعة الله وطاعة الربّاني

 

(سلمان) من باب الولاء المُطلق

بسم الكويت وشعبنا المتفاني

 

أبطلب الله والتمس من ربي

يحفظ أمير الخير والإحساني

 

شاعركم: سلمان بن حمد بن علي آل خليفة