قصيدة مهداة إلى مقام رئيس الوزراء صاحب السمو الملكي الأمير خليفة بن سلمان آل خليفة
صقر العتوب
بمناسبة العودة الميمونة إلى أرض الوطن، بعد زيارة سموه إلى مملكة تايلند
أحمد الله من بعد ذيك الغيوم
عادني نظم الدراري والنجوم
في مكانة والد الشعب العظيم
في معاني ما لها حد وتخوم
من جزر أمواج لين الأندمان
ما تقول الّا مثل رؤية نيوم
عبقريّة بوكت وساحل أوال
تمتزج ما بين تفكير وعزوم
في خليفة ثروة امجاد الخليج
عادني الإبداع من بعد الوجوم
مرحبا يا ملهم افكار وخيال
يا ملاذ الشعب في وقت اللزوم
بسم شعب العاهل اللي يحتريك
إي نعم يا بوعلي حي القدوم
تو ما زانت قلاع الفاتحين
وجاتك اللي بالفخر دايم تزوم
في صفات اللي جعل أرض الخلود
تحتمي الوافين وتصد الخصوم
ذا خليفة في حضوره من دريت
جيت اصب الغيم من فوق الكروم
في تراحيب وتهاني ممطرات
في نياشين وأحاسيس القروم
من أثر بابل ودلمون وسيام
لين ما جاتك بلا شرح ورسوم
مهرةٍ من راس شاعرها تطوف
في مدار اللي على قصره نحوم
تاجنا اللي للأمم قدوة مصير
من دعانا للفخر دايم نروم
يرحم الله راس سلمان المُهيب
من لنا أرّث قيادات وختوم
مثل راس الفيلسوف المستقيم
تاجنا اللي له نحن وله نقوم
إي نعم أعني أمير المعجزات
من لنا صيّر حضارات وعلوم
الأمير اللي جعل أرض الرفاع
تكتسي البحرين في أغلى الهدوم
من أراضين وبساتين وسحاب
في أساطير وتعابير وسلوم
لين ما حلّت على هذا الكيان
دارة أمجاد وقناديل وحلوم
صاغها (سلمان) في صقر العتوب
في معاني ما لها حد وتخوم
