قصيدة مرفوعة إلى صاحب السمو الملكي الأمير خليفة بن سلمان آل خليفة رئيس الوزراء حفظه الله ورعاه بمناسبة حديث سموه لإذاعة البحرين
والله باتصالك بالاذاعة في ضحى البحرين
ما تقول يا خليفه الحب
وشسويت في هالناس
خليت المواطن هاللي يتسمع
دموعه اربع على اربع
من الفرحه اللي تتوسع
ومن زود المحبه اللي
مثل ماي النهر فاضت من الإحساس
وشسويت في هالناس
سمعناك ف جهات اربع
سمعنا صوتك الدافي يكلمنا
بحرارة حب
حب قائد لكل شعبه
حب قائد لكل طيفٍ وكل إنسان
سمعناك بمشاعرنا
سمعنا الصوت ينزل غيث
ويغسلنا من الآلام والإحزان
وانته تشكر ف شعبك
وانته تقول هذا الشعب
يستاهل على وقفاته الخضره
وطن يكبر
وتتنوع مصادر مجده في الدنيا عدد الألوان
تقول انته لنا بقلبك الواسع
ترى احنا والله حتى اللحظه
ما قدمنا اللي نبي نقدمه
شعب هالمملكه والله يستاهل
حياة أجمل وحياة أفضل من اللي كان
وقلت إن الشعب في دورة الأيام
درع واقي
وسد عالي
وكل وقفه وقفها ف يوم
ما هي إلا صدى إيمانه بأرضه
وتاريخه
وأحلامه وأهدافه
واقوي الناس هو من يملك الإيمان
ترد تقول
احنا ما صنعنا شي
بادلنا وفا هالشعب حب بحب
وانا ما شكره بالكلمات
أنا اشكره على الإخلاص
وما يدري بمحبة قلب
غير اللي ارتفع حبه وفاض الحب
عساه الله يقدرنا
ونخدم هالشعب هاللي وقف
وقفة رجل واحد
يبدد ليل
ويمشي في السما مثل القمر شقاق
شعبنا في الزمن عملاق
أنا في الحب ما أبالغ
ولا أجامل
إذا قلت بمحبتنا
وكل وحدة شعبنا
والله بنوصل الأفاق
خليفه وانته تشكرنا
عدد ما تنفست الأحلام نشكرك
وما ننسى ابد وقفاتك العوده
لما قلت حق الشاه
كل ذرة رمل في ساحة البحرين
تتحول جمر لو مسها عدوان
ولا ننسى اليد المرفوعة
في ساحة رفاع العز
وهي تشير
هذى الأرض ما تخضع
ولا تركع ثواني لأكبر البلدان
والبحرين هي وحدة شعب
ما ينحني لحظه ولا ينهان
وما ننسى أحاديثك
بافعالك تأكدها
ترى كل ثروة البحرين في الإنسان
شعبك يا خليفه مارد وعملاق
عايش في العمر وياك
مثلات الصقر واقف على يمناك
معاك بيقطف الخيرات
من أخر شجر يضوي ورا الأفاق
شعر: علي الشرقاوي